פרק ק
א מִזְמוֹר
לְתוֹדָה הָרִיעוּ לַיהֹוָה כָּל־הָאָרֶץ:
ב עִבְדוּ אֶת־יְהֹוָה בְּשִׂמְחָה בֹּאוּ
לְפָנָיו בִּרְנָנָה: ג דְּעוּ כִּי יְהֹוָה
הוּא אֱלֹהִים הוּא עָשָׂנוּ וְלֹא אֲנַחְנוּ
עַמּוֹ וְצֹאן מַרְעִיתוֹ: ד בֹּאוּ שְׁעָרָיו
בְּתוֹדָה חֲצֵרֹתָיו בִּתְהִלָּה הוֹדוּ
לוֹ בָּרֲכוּ שְׁמוֹ: ה כִּי־טוֹב יְהֹוָה
לְעוֹלָם חַסְדּוֹ וְעַד־דֹּר וָדֹר אֱמוּנָתוֹ:
