פרק כט,
א-ה
א מִזְמוֹר
לְדָוִד הָבוּ לַיהֹוָה בְּנֵי אֵלִים הָבוּ
לַיהֹוָה כָּבוֹד וָעֹז: ב הָבוּ לַיהֹוָה
כְּבוֹד שְׁמוֹ הִשְׁתַּחֲווּ לַיהֹוָה בְּהַדְרַת־קֹדֶשׁ:
ג קוֹל יְהֹוָה עַל־הַמָּיִם אֵל־הַכָּבוֹד
הִרְעִים יְהֹוָה עַל־מַיִם רַבִּים: ד קוֹל־יְהֹוָה
בַּכֹּחַ קוֹל יְהֹוָה בֶּהָדָר: ה קוֹל
יְהֹוָה שֹׁבֵר אֲרָזִים וַיְשַׁבֵּר יְהֹוָה
אֶת־אַרְזֵי הַלְּבָנוֹן:
